بدون مضمون مفيد .. هاد يلي بدي قولو

 لسا صابرين .. بس بيكفي قتل .. بيكفي دموع الرجال كل يوم عم نشوفا ...
بيكفي قتل للبراءة .. بيكفي انتقاص للحقوق .. نحنا بشر ....
حياة كل واحد فينا هي حياة بني آدم بتستاهل نوقف عندا و كل روح نترحم عليها ..
أب بيودع ابنو .. مع السلامة يا ابني ...
و ام بتنوح على ضناها .. يا امي يا امي ..
و بنت بتودع اما .. يامو و خيي مين بدو يربيه ؟
و صاحب دموعو بللت الرقبة .. سلملي على الرسول يا رفيقي ..
..............................................
باقي باقي باقي .. لإيمت يعني ؟ فكرك الزمان شقد بيضل وفي للإنسان !!
ببالك ابن الشهيد و أخوه و أبوه رح يسكتو ؟
و إن قتلتن فيه أمو و اختو و بنتو ...
ترا الزلمة عنا قد مية .. و الله ما منهاب الموت ..
...................................................
و العالم يلي برا ... سلمولي عحقوق الإنسان !!
صار لازم في لجنة لـ"بقايا و أشلاء الإنسان "
هي أكتر جمعية حتمثل سوريا هلق ..
..................................................
الشهيد نيالو .. مات و ارتحم ..
بل العتب عيلي ضل عايش ..
يلي حارقو قلبو ..
مافي أكل ما في دوا ما في كهربا ..
البلد صارت مسكونة من الأشباح ..
...............................................
حيذكر التاريخ و مارح ينسى ..
حيسألوكن ولادكن و أحفادكن ..
و إذا خلصتو من الدنيا .. رح تنسألو بالقبر ..
و بكرا بيسألكن رب العالمين ..
وين كنتو ؟ شو عملتو ؟
...........................................